Immagine di repertorio
Su campionadu provintziale, partzidu in tres girones pro 19 iscuadras at donadu resone a su Delta chi, insertadu in su girone A, est arribbadu segundu fatu fatu a su Pardu Jersu
Su campionadu provintziale, partzidu in tres girones pro 19 iscuadras at donadu resone a su Delta chi, insertadu in su girone A, est arribbadu segundu fatu fatu a su Pardu Jersu. Custa positzione l’at permìtidu s’atzessu a sa segunda fase, acanta at adobiadu sa prima iscuadra de s’àteru girone de sas Nugoresas. Sas piticas atletas de su Delta ant bìnchidu sas aversàrias cun unu puntègiu netu de tres a zero in ambas sas partidas.
Su Delta duncas nche l’at fata a si qualificare pro sa fase finale, acanta at a giogare contra su Pardu Jersu chi aiat bintu in sas iscontros diretos in Lanusè pro 3 tempos a 2, su matessi resurtadu ma otentu in domo issoro, acanta sas piseddas Delta s’ant agiudicadu sa vitòria pro 3 a 2. Lunis 27, totu e sas duas sas iscuadras moviant dae sa matessi cunditzione- S’ùnicu avantàgiu pro s’Jersu chi giogaiat in sa palestra de domo.
Sas atletas allenadas dae su tècnicu Marco Asoni, sunt intradas in su campu cun sa determinatzione e cuntzentratzione giusta, resessende a colare una partida difìtzile, chi però no est istada mai posta in discussione dae sas aversàrias. Petzi in su tres partziale, a pustis de su avantàgiu netu pro 2 tempos a zero, b’est istadu unu momentu de dificultade, ma in su de bator tempus ant bìnchidu sas meres de domo cun unu netu partziale.
Su pròssimu apuntamentu pro sas piseddaa de su Delta, chi intrant de de deretu in sa fase regionale, at a èssere cussu contra sa binchidora de sa provìntzia de Aristanis, chi at a istabilire sa grìllia de atzessu a sa fase sutzessiva, in ue at a èssere importante a si cualificare prus in artu possìbile, sàbadu su primu de abrile s’iscontru in gara sica in Lanusè contra sas fedales de s’Arcidanu, chi balet pro s’atzessu a sa finale.
“Attività realizzata col contributo della Regione Sardegna – IMPRENTAS 2022-2023. LR 22/2018, art. 22”
© RIPRODUZIONE RISERVATA
S’ogiastrinu Mauro Pischedda intrat in s’assòtziu “Charming Italian Chef”
Su chi at fatu otènnere custu reconnoschimentu de importu a Mauro Pischedda de seguru est sa coghina creativa chi però tenet grandu respetu de sas matèrias primas sardas e italianas.
Intre sos 102 coghineris de s’assòtziu “Charming Italian chef”, chi riunit deghinas intre sos mègius professionistas de sa coghina italiana, come b’est fintzas s’ogiastrinu Mauro Pischedda.
Mauro est intradu a fàghere parte de custu assòtziu de cabbale in ocasione de s’atòbiu de duas dies chi s’est acumpridu a Parma dedicados a sos produtos de sa coghina emiliana. Durante sa chena de gala chi s’est tenta a sa Terratza Gallones de Langhirano (Parma), at retzidu sa divisa ufitziale durante sa chena de gala chi
Pischedda, coghineri de s’Hotel Corte Bianca de Cardedu, est s’ùnicu sardu de s’assòtziu paris cun Francesco Stara de Is Fradis Minoris de Pula.
Su chi at fatu otènnere custu reconnoschimentu de importu a Mauro Pischedda de seguru est sa coghina creativa chi però tenet grandu respetu de sas matèrias primas sardas e italianas.
A sa base de totu b’at su mètodu CHIC RESPECT, chi punnat a sa definitzione de lìnias ghia pro unu consumu sustenìbile de sos produtos, b’est s’impreu de risursas naturales rennoaditzas, su respetu de sas traditziones locales, de sa salude, s’acostamentu sustenìbile a sa nutritzione umana.
A pustis de sa noa de su reconnoschimentu importante, su coghineri de su ristorante de sa Corte Bianca de Cardedu at decraradu: “Pro mene est istada un’esperièntzia satisfatzionosa meda. A banda sa coghina e sos produtos de cabbale de s’enogastronomia italiana, comente pressutu, casu e binos, b’at fintzas istada sa possibilidade de partetzipare a una cunferèntzia promòvida e ammaniada dae s’iscola Alma, cun coghineris e giornalistas de enogastronomia chi benint dae totu Itàlia. Deo chirco semper de propònnere una coghina chi siat in su matessi tempus innova dora e moderna, ma chi s’ammesturit cun sos sabores ispantosos de su territòriu ogiastrinu. Custu reconnoschimentu de sa Charming Italian Chef pro mene est sa giusta paga a su traballu e a s’impinnu chi in custos annos apo postu paris cun s’iscuadra mea”.
“Attività realizzata col contributo della Regione Sardegna – IMPRENTAS 2022-2023. LR 22/2018, art. 22”
© RIPRODUZIONE RISERVATA
