Tzitzerone est unu de sos iscritores latinos chi prus de totus at allegadu male de sos Sardos e de sa Sardigna.
Lighende un’articulu bogau de su blog de s’istudiosu Frantziscu Casula Truncare sass cadenas, a tìtulu Lingue povere lingue ricche, semus lòmpios a a su cunsideru chi unu massau bolotanesu ci connoscet bene sa limba sua, su sardu de Bolòtana at a allegari unu sardu prus erricu de cuss’italianu ci si podet agatari in medas librus e òperas contàs po eèsere èperas de grandu valore. E agiungu eo, manneddu miu, ca allegàt in sardu ebbia, teniat una connoscènthia de su sardu prus manna de cantu la podat tènnere cale ca siat studente universitàriu sardu ci allegat s’italianu. In sardu manneddu miu nce dda fait a esprìmiri totu is sentimentos , is ideas, is sperànthias e is spetativas ci tenait prus de cantu unu picocu sardu de oe chi allegat in italianu podat fàiri.
Mancari calincunu podet narri ca manneddu miu, e peri cussu massau bolotanesu ci fui nandu, non isciant allegari de Sant’Agostino, de Dante e nimancu de psicanàlisi, o de processos chìmicos e de missilìstica; est a beru, made cussus argumentos non ndi iat ari pòthiu narri nudda mancu Marco Tullio Cicerone, s’oradore oratore sena duda intelligente e istudiadu.
Tzitzerone est unu de sos iscritores latinos chi prus de totus at allegadu male de sos Sardos e de sa Sardigna.
S’oratzione, de s’annu 54 a.c. est in defensa de Emilio Scauro ex guvernadore de sa Sardigna. Custos est acusadu de tres “crìmines”: àere abbenenadu in su un’ispuntinu Bostare, tzitadinu ricu de Nora, pro s’impossessare de su patrimòniu suo; àere molestiadu sa mugere de Arine, a su puntu de divènnere amante suo. Pròpiu pro custu motivu, durante s’oratzione sua in difesa de Scuro aiat naradu contra a sos sardos:
«Sa ratza prus ingannadora, comente nos atestant totu sos documentos de s’antighidade e totu sas òperas istòricas, est cudda de sos Fenìtzios. Sos Pùnicos, chi sunt discendentes issoro, non si sunt ammustrados, si pensamus a sas medas rebellias de Cartàgine, a sas numerosas violatziones e segaduras de patos, fìgios degenerados. Sos Sardos, chi dipendent dae sos Pùnicos gràtzias a unu mescuritzu de sàmbene africanu, non sunt istados giutos a Sardigna comente colonos normales istantziados in cue, ma comente su refudu de colonos de sos cales si nde lìberat”.
© RIPRODUZIONE RISERVATA
Cando su Casteddu aiat partetzipadu a unu campionadu de fùbbalu americanu cun su nùmene de Chicago Mustangs
Una de custas iscuadra fiat su Casteddu, chi in s’istade de su 1967 fiat tramudadu a giogare a Chicago, pighende su nùmene de Chicago Mustangs.
In sos annos ’60 in su Nord Amèrica su fùbbalu europeu (pro sos istadunidenses soccer) aiat cumentzadu a leare pee e fiant nàschidos medas campionados. In su 1967 si fiant giogaia sas primas partidas intre professionistas, ma sa mancàntzia de organizatzione e mescamente de iscuadras bastantes pro giogare unu campionadu cumpletu, aiat custrintu sos organizadores a mutire iscuadras dae àteros continentes.
Una de custas iscuadra fiat su Casteddu, chi in s’istade de su 1967 fiat tramudadu a giogare a Chicago, pighende su nùmene de Chicago Mustangs.
Su Casteddu, chi cun s’allenadore Manlio Scopigno in su ’70 diat àere bintu s’Iscudetu, fiat istadu assignadu a sos Mustangs de Chicago, pro more de una presèntzia manna de immigrados italianos. Sas partidas si fiant giogaia mescamente in sos istàdios de baseball, cun una calidade de giogu bàscia meda.
Su Casteddu, mancari esseret a s’època una de sas iscuadras prus balentes de su campionadu italianu, aiat bintu petzi 3 partidas, nde aiat paregiadu 7 e pèrdidu 2.
In totu fiant istadas dòighi sas iscuadras chi aiant pigadu parte a su campionadu. Fiant mescamente iscuadras europeas e sudamericanas, comente si podet bìere dae s’elencu sighente: Sa Boston Rovers — fiat assignada a s’irlandesa Shamrock Rovers, sos Chicago Mustangs a su Casteddu, sos Cleveland Stokers — a s’inglesa Stoke City, sa Dallas Tornado a sos iscotzesos de sa Dundee United, sos Detroit Cougars a sa Glentoran de s’Irlanda de su Nord, sos Houston Stars a s’iscuadra brasiliana de su Bangu, sos Los Angeles Wolves a s’inglesa Wolverhampton, sos New York Skyliners a sa C.A. Cerro de s’Uruguai, sa San Francisco Golden Gate Gales a sos olandesos de s’ADO Den Haag, sos Toronto City a sos iscotzesos de sa Hibernian, su Vancouver Royal Canadians a sos inglesos de su Sunderland e sos Washington Whips a sos iscotzesos de su Aberdeen.
“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”
© RIPRODUZIONE RISERVATA
