su-cannonau-protagonista-in-sydney-de-s’eventu-hunters-hill-sailing-club,-organizadu-dae-s'assotziu-sardu-de-sydney-|-vistanet

Su Cannonau protagonista in Sydney de s’eventu Hunters Hill Sailing Club, organizadu dae s'Assòtziu Sardu de Sydney | Vistanet

Su Cannonau protagonista in Sydney de s’eventu Hunters Hill Sailing Club, organizadu dae s’Assòtziu Sardu de Sydney

Est istadu un’apuntamentu ispantosu a beru, siat pro s’ambientatzione galana e ùnica, siat pro sa presèntzia de persones meda interessadas a su setore, siat pro sa cantidade de  màndigos tìpicos de sa Sardigna. Su Cannonau protagonista in Sydney de s’eventu

Est istadu un’apuntamentu ispantosu a beru, siat pro s’ambientatzione galana e ùnica, siat pro sa presèntzia de persones meda interessadas a su setore, siat pro sa cantidade de  màndigos tìpicos de sa Sardigna. Su Cannonau protagonista in Sydney de s’eventu Hunters Hill Sailing Club, organizadu dae s’Assòtziu Sardu de Sydney. S’ocasione est istada cussa giusta pro presentare a su publicu australianu is produtos fatos in s’ìsula nostra, comente su pane carasau, su recotu, e mescamente su cannonau, su binu fatu cun s’àgina prus antiga e fortzis prus connota de sa Sardigna.

In s’eventu sunt istados espostos e tastados medas màrchios de Cannonau chi ant ammajadu is presentes  cun sos nuscos e cun sos sabores ùnicos issoro. A fàghere de maere de domo ddoe fiant, a banda sos rapresentantes de s’Assòtziu de sos sardos in Sidney, s’enòlogu, Piero Cella, de sa “Cantina Quartomoro, su maere de sa Cantina Mulargiu de Mamujada Francesco Mulargiu e Matteo Locci, su maere de sa Cantina Locci-Zuddas de Casteddu”.

A sa degustatziones ant leadu parte fintzas imprendidores sardos chi istant in Austràlia, comente su propietàriu de su St Clement Estate & Lillino’s Trattoria and Bar, Luigi Pinna, chi unos cantos a oe at tentu s’idea de pònnere una bìngia in sa “Hunter Valley”.  Un’arriscu mannu, ma fintzas una disfida chi at permìtidu a Pinna de connòschere una realidade chi non connoschiat, e fintzas de si fàghere connòschere issu comente imprendidore in cussas cussòrgias. Difatis dae paritzos annos sunt medas sas ditas chi produent binu de totu su mundu chi sunt investende in Austràlia pro conchistare una gìtula de unu mercadu chi amus a definire in contina evolutzione.

Sa serada de degustatzione est istada aberta dae unos cantos professionistas e espertos de su setore vitivinìculu chi ant allegadu a unu pùblicu interessadu meda de is caraterìsticas de sos binos presentes. Su Cannonau, a manera òvia, est istadu su protagonista, sende chi a banda su sabore, su gustu e sa calidade sua, est connotu peri pro èssere su binu de is tzentenàrios de sas biddas nostras. Pro serrare, s’eventu at tentu una resessida manna. Unu bellu billete de bisita pro is produtos de s’enogastronimia sarda.

“Progetu finantziadu cun s’Avisu Pùblicu IMPRENTAS annualidade 2021-2022” 


© RIPRODUZIONE RISERVATA



In una publitzidade de sa famada abba fitzante San Pellegrino presentada dae s’atore americanu Tucci, protagonistas is malloreddus sardos

In una publitzidade de sa famada abba fitzante San Pellegrino presentada dae s’atore americanu Tucci, protagonistas is malloreddus sardos. In su vìdeu Stanley presentat unu  e su famadu semu de abba minerale naturale fritzante S.Pellegrino, ant creadu una sèrie de retzetas noas a nùmene  “Taste of Tucci”.

Su famadu  atore e regista istadunidensa, Stanley Tucci, cunsideradu unu de sos mègius artistas eclèticos de Hollywood, at presentadu una retzeta noa acanta is malloreddus sunt is protagonistas. Una bella publitzidade gratis pro sa Sardigna e pro is produtos suos.

In sa publitzidade Tucci tzèlebrat comente semper is orìgines italianas suas e sa passione manna sua pro sa coghina (at firmadu fintzas unos cantos libros de retzetas). S’annu coladu at fintzas ideadu e conduisu unu programma televisivu dedicadu a sa coghina italiana, andadu in unuda in is Istados Unidos a su cumintzu de s’annu chi at otentu una resessida manna meda a tretu de induire sa CNN a pònnere in cantiere una segunda istajone.

Ma in custas dies coladas, s’atore americanu at presentadu in su contu cosa sua de Instagram  unu de is pratos de isfestas: “Malloreddus con Salsiccia e Broccolini.

Sa retzeta si pòdere bìdere in unu vìdeu de su profilu suo, acanta at iscritu “Màndigu festivu acopiadu a una bibita fritzante e cumpangia òtima! Sunt custas cosas  chi rendet is vacàntzias gasi ispetziales in domo nostra”⠀

Stanley Tucci, mancari sa fama sua est un’òmine garbosu, disponìbile, cumpetente e apassionadu meda de coghina italiana. In sos Istados Unidos sa trasmissione est istada bida dae milliones de persones, a cales si nd’ant a agiùnghere medas  àteros cun sa missa in direta subra de su canale International. Pro sa Sardigna custa publitzidade est unu palcoscènicu istraordinàriu pro fàghere connòschere a su pùblicu internatzionale su bellu e su bonu de s’ìsula nostra”.

“Progetu finantziadu cun s’Avisu Pùblicu IMPRENTAS annualidade 2021-2022”


© RIPRODUZIONE RISERVATA

Related Posts

Lascia un commento

Il tuo indirizzo email non sarà pubblicato.