S’intelligèntzia artifitziale resesset a intèndere sa depressione dae sa boghe

s’intelligentzia-artifitziale-resesset-a-intendere-sa-depressione-dae-sa-boghe

S’intelligèntzia artifitziale resesset a intèndere sa depressione dae sa boghe

Un’aplicatzione at a agiuare is terapistas in diàgnosi e controllu de is malàidos.

Semper de prus sa tecnologia est intrende in is vidas nostras.

Comente totu is cosas, si benint impreadas in su modu giustu e professionale, podet cunsentire unu megioramentu de s’istile de vida de ogni tzitadinu.

A custu propòsitu podet èssere pigada comente esèmpiu custa aplicatzione, chi podet intervènnere a illebiare o reconnòschere unu male malu comente est sa depressione.

Una problemàtica chi corpit semper prus persones, giòvanas e prus pagu giòvanas, in custa sotziedade chi curret semper prus a sa lestra e est semper prus pagu a mesura de òmine.

Unu programma basadu subra s’intelligèntzia artifitziale ”intendet” sa depressione dae sa boghe de is persones cunsentende de fàghere diàgnosi e avèrtere in tempus cando is istorbos depressivos sunt lòmpidos a livellos perigulosos.

Est s’innovatzione presentada a s’editzione nùmeru 180 de su Meeting of the Acoustical Society of Amèrica, de Carol Espy-Wilson, de s’University of Maryland.

S’algoritmu intendet sa depressione in sa boghe lenta de s’indivìduu: is istorbos depressivos s’assòtziant difatis a un’abrandamentu psicomotòriu de sa persone chi s’iscòviat peri dae sa boghe, cun faeddos pronuntziadas prus a bellu e cun prus pàusas.

Su programma diat pòdere devènnere un’aplicativu de iscarrigare in su telefoneddu pròpiu pro compidare s’umore de sa gente. In manera ideale, ispiegat Espy-Wilson, sos terapistas ant a dare s’aplicatzione a is malàidos prus depressos in is perìodos chi is sìntomos sunt prus reduidos, pro tratzare s’istadu issoro de salude mentale e is persones apropriadas podent èssere avisadas si esseret a marcare ingraviamentu de sa depressione”. “Aici — sighit Espy Wilson – si diat pòdere intervènnere in tempus cando sa depressione creschet a livellos perigulosos”.

Est craru chi pro reconnòschere custu problema sighit a èssere importante sa sensibilidade de is chi bivent a costadu de is persones chi sufrint de custa patologia. Un’aina chi si at a èssere posta a disponimentu de is malàidos, diat pòdere èssere unu trastu de non sutavalutare pro unu incras.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”



A càrrigu de s’òmine ddoe tenet indìtzios graes e provas importantes regortas dae su R.I.S. .