serie-a,-su-casteddu-est-sarvu-e-faghet-bella-figura-a-su-san-siro-contra-su-milan

Sèrie A, su Casteddu est sarvu e faghet bella figura a su San Siro contra su Milan

Sèrie A, su Casteddu est sarvu e faghet bella figura a su San Siro contra su Milan

Is ruju-blu sunt sarvos in manera matemàtica gràtzias a su parègiu de su Crotone cun su Benevento e a San Siro firmat su Milan a su 0-0.

Is ruju-blu sunt sarvos in manera matemàtica gràtzias a su parègiu de su Crotone cun su Benevento e a San Siro firmat su Milan a su 0-0.

Unu gol de s’atacante de su Crotone, marcadu dae su nigerianu Simy, chi firmat su Benevento a su 1-1, at regaladu sa sarvesa matemàtica in Sèrie A a su Casteddu.

Is giogadores e is tècnicos sardos ant festadu noa in is càmeras de s’albergo, pagu a in antis de sa partida contra su Milan a San Siro.

Una bera impresa isportiva cussa de is òmines de Semplici, chi finas a calicuna chida a oe pariant cundennados a nche rùere in Sèrie B.

De seguru, artèfitze mannu de s’impresa est istadu s’allenadore toscanu, capatzu de furriare una situatzione lègia comente sa chi aiat agatadu a pustis de s’esòneru de Di Francesco.

Printzipiende unu traballu fitianu, mescamente psicològicu cun is giogadores, est resèssidu a fàghere iscatare in s’iscuadra gana un’incredìbile de bìnchere, essida a pìgiu durante sa partida contra su Parma.

Mancari su bonu resurtadu isportivu, is casteddajos ant bòlidu onorare campionadu finas a s’ùrtimu. Contra Milan assustadu, is sardos giai sarvos e a mènte sèlia, ant afrontadu su disafiu cun trancuillidade, faghende timoria, e non pagu, a is ruju-nieddos.

S’iscuadra de Pioli s’est bida petzi cun is tiros dae foras de Saelemaekers, parados dae Cragno, e Calàbria, foras. Cussa de Semplici, imbetzes, at proadu a torrare a partire, in su primu tempus, cun duos sarvamentos de Kjaer, mentras in sa ripresa duos corfos de conca sunt istados firmados dae unu miraculosu Donnarumma: prima prontu cun Pavoletti, posca si nch’est iscutu a pitzu de su casteddaju Godin.

A nudda sunt serbidos is càmbios de Pioli, cun Castillejo ebbia chi s’est rèndidu perigulosu, ma sena pretzisione.

Milan-Casteddu s’est serrada duncas 0-0, e pro sa Copa de is Campiones at a èssere un’ùrtima die de coros fortes, cun Juve, Napoli e ruju-nieddos ancora in cursa pro duos postos

Su Casteddu imbetzes at a serrare s’ùrtima die contra su Genoa de s’ex Ballardini, cun sas duas iscuadras serenas pro sa permanèntzia in Sèrie A.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”



Sa cantante israeliana at a presentare su progetu suo totu acapiadu a su jazz.

Related Posts

Lascia un commento

Il tuo indirizzo email non sarà pubblicato. I campi obbligatori sono contrassegnati *