Close up of fortune teller pointing at astrology chart during spiritual seance with young woman
Mirandu su rosàriu antigu sardu in filigrana, unu est espostu peri in su Museu Etnogràficu Sa Domu de s’Olia de Loceri, s’istedda a otu puntas est mutia fìncias Stella Polari, ca rapresentat, puntu de riferimentu seguru de su mundu. In
Mirandu su rosàriu antigu sardu in filigrana, unu est espostu peri in su Museu Etnogràficu Sa Domu de s’Olia de Loceri, s’istedda a otu puntas est mutia fìncias Stella Polari, ca rapresentat, puntu de riferimentu seguru de su mundu. In sa versioni “a orroda”, est identificàbili macai peri cun sa Rosa de is Bentus, impreada po individuai is puntus cardinalis. Podit èssiri assimilada fìncias a sa strutura de caleguna pintadera sarda, chi inditant is otu partziduras fundamentalis de su cursu de un’annu.
Sa stedda a otu puntas fut importanti, ca rapresentaiat su Sacru Femìneu, sa Dea Ishtar mesopotàmica, e totu is Deas chi funt sighias, Astarte, Iside, Afrodite, Vènere, assotziadas a su pianeta Vènere, est a nai sa stedda de su mengianu e de su merici.
Po is cristianus si fait riferimentu peri a sa Scritura Sagrada, difatis benit riferiu custu tìtulu a su Summu Sacerdoti Simone. A pustis de sa torrada de Israele de Babilònia custu iat restaurau su tèmpiu e afortiau sa citadi santa e liberau su pòpulu ebreu de sa longa iscravitùdini. Fut istau po totus che lugi cun s’esèmpiu su, e inditau de totus cali stedda de su mengianu chi annùntziat sa pesada de su soli.
A pustis custu tìtulu “Stella del mattino” est istau aplicau a Maria definia po antonomàsia cali “Stella de mangianu”. Acumpangiada peri cun vàrius significaus de custu tìtulu in riferimentu a sei.
Maria iat bìviu sempiri cun sa menti e cun su coru giraus a su celu e a is cosas celestis. Maria donat a sa lugi su Fìgiu de Deus intata in sa verginidadi sua. Comente sa stedda Maria difundit subra de is ànimas sa lugi de is esèmpius sùs, donandu gràtzias e benefìcius . Maria est su ràgiu prus bellu de su mìsticu Celu chi est sa Crèsia. A pustis de su pecau de Adamu, cun Maria est arbèscia s’umanesa imprena de perdonu e de segura vitòria. A issa, girant s’ograda totus is pòberus èsulis fìgius de Eva, comenti si mirat a sa stedda in unu mari tenebrosu.
“Attività realizzata col contributo della Regione Sardegna – IMPRENTAS 2022-2023. LR 22/2018, art. 22”
© RIPRODUZIONE RISERVATA
Su làdiri, su matone in terra crua, ecosostenìbile e econòmicu
Semus alleghende de su làdiri, unu de sos materiales prus impreados in sa zonas de sa Sardigna acanta mancaiat sa pedra.
Sa Sardigna est una de sas regiones de Itàlia chi bantant una traditzione de architetura in terra crua antiga meda. Difatis, comente narat su situ architetutasostenibile, in s’ìsula nostra finas a sos annos 70 esistiat una manera de fàghere sas domos particulare meda gràtzias a s’impreu de sa terra crua, mescrada a sa pàgia e a su ladàmene.
Semus alleghende de su làdiri, unu de sos materiales prus impreados in sa zonas de sa Sardigna acanta mancaiat sa pedra. Custa tècnica previdet sa formatzione de matones cun un’impastu de terra, abba e pàgia, fatos cun una forma e posca postos a sicare in su sole finas a cando non s’isciugaiant. Prus a mancu serbiant duas chidas o unu mese, a segunda de sa temperadura e de s’istajone.
Su làdiri podent èssere fatos siat a manu siat in modu mecànicu. Im Sardigna esistiant medas realidades acanta su fràbicu de costu materiale fiat istadu casi mecanizadu, gràtzias a s’impreu de cadenas de montàgiu e de atretzaduras moderna, mancari pro su prus si sighiat a prodùere su matone in manera manuale. Ma in custos annos, medas aziendas de laterìtzios sardas, ant cumentzadu a prodùere in manera moderna su làdiri, rispetende duncas peri sas normas italianas e europeas.
Sa terra crua est unu materiale de fàbricu antigu meda. Difatis tenimus testimonias de s’impreu suo chi arribbant a su 8000 a.C, comente sos repertos agatados in Gèrico. Su làdari beniat impreadu sia pro more de sa mancàntzia de materiale diversu comente linna e pedra, ma peri pro more de sas caraterìsticas suas. Difatis est unu isulante cun propiedades òtimas. In prus est dotadu de unu pòdere traspirante forte meda e presentat in prus òtimas caraterìsticas de resistèntzia. In prus, règulat in modu naturale s’umidade e sa temperadura interna de sas abitatziones.
Oe, in Sardigna, finas su ortigu benit impreadu comente materiale de costrutzione pro more de sas caraterìsticas suas ecològicas e de isulante.
“Attività realizzata col contributo della Regione Sardegna – IMPRENTAS 2022-2023. LR 22/2018, art. 22”
© RIPRODUZIONE RISERVATA
[the_ad_placement id=”posizione-manuale”]
