Foto da Vecchio mulino ad acqua – Museo etnografico Fluminimaggiore
Pro custu podimus considerare sa mùsica comente unu trastu privilegiadu pro s’atzessu a sa cultura de unu pòpulu e duncas a sa limba sua.
Si cherimus connòschere bene sa cultura de unu pòpulu, est pretzisu a connòschere sa mùcica sua. A ddu nàrrere est s’etnomusicologia, sa disciplina chi istùdiat in particulare sa mùsica populare e traditzionale. Sa mùsica, totu sa mùsica, in ogni forma sua, est semper acapiada a sos fatos de sa vida de s’òmine. Pro mèdiu de sa mùsica faghet a cumprèndere comente sa gente istat in paris, s’ispàssiat, si cummovet, sufrit, si cunfrontat, cale siat sa bisione sua de su mundu.
Pro custu podimus cunsiderare sa mùsica comente unu trastu privilegiadu pro s’atzessu a sa cultura de unu pòpulu e duncas a sa limba sua. Mùsica e limba sunt elementos fundamentales in ogni cultura e sunt acapiadas tra issas. In Sardigna sa mùsica est difùndida e praticada meda in totus sas formas espressivas suas. Tenimus sa mùsica populare traditzionale, sa mùsica populare moderna, dae su jazz, a sa mùsica clàssica e a lìrica.
In Sardigna, posca, esistint medas fèstival e cuncursos de mùsica traditzionale, pro no allegare de trasmissiones televisivas dedicadas.
Una particularidade de sa mùsica sarda traditzionale est chi est sighida meda. Est una mùsica chi, mancari sas contaminatziones modernas, in Sardigna sighit a èssere raighinada meda. Difatis est praticada dae mannos e dae minores. Est atuale, gràtzias pròpiu a su fatu chi a la praticare sunt pitzocos e pitzocas, pipios e pipia. Ma non solu. A sa mùsica sarda s’acòstiat peri persones de àteros logos, comente cussos giaponesos chi cantant a tenore.
E fortzis est pròpiu custa sa cosa prus importante, su de s’abèrrere a su mundu! Ma pro ite sa matessi cosa non acontesset cun su sardu? S’esèmpiu de sa mùsica sarda lu diat dèpere sighire peri sa limba nostra. Difatis si sos giòvanos sardos s’esserent apassionados a su sardu gosi comente s’apassionant a sa mùsica sarda, oe in Sardigna diamus a èssere a beru unu pòpulu bilìngue. E si a sa limba sarda s’esseret apassionados fintzas sos istràngios gosi comente sutzedet cun sa mùsica, sa limba nostra non diat èssere in perìgulu de estintzione comente est immoe.
A contos fatos, difatis, si sa mùsica est s’aina prus importante pro connòschere sa cultura de unu pòpulu, sa limba est a fundamentu de ogna cultura.
“Attività realizzata col contributo della Regione Sardegna – IMPRENTAS 2022-2023. LR 22/2018, art. 22”
© RIPRODUZIONE RISERVATA
Tzertificatzione KOSHER pro s’ògiu de s’azienda Pelau de Giulia Mura
Sa tzertificatzione kosher est un’ùtile trastu de marketing pro sas aziendas chi aspirant de bèndere sos produtos pròpios a sa grandu distributzione.
Giulia Mura est una pitzoca sua gestit su molinu de famìlia. Dae pagu s’azienda Pelau at otentu sa tzertificatzione kosher de produtos alimentares. Unu satisfatzione manna pro issa e pro sa sienda sua.
Ma it’est sa tzertificatzione Kosher? Sa paràula Kosher in ebràicu bolet nàrrere “cunforme a sa lege” o “dèchidu”, e inditat chi un’alimentu est istadu prodùidu rispetende sas règulas dietèticas inditadas dae sa Bìbbia. Sos màndigos kosher in sos Istados Unidos tenent mercadu mannu, formadu belle totu dae ebreos osservantes, ma benint consumados fintzas dae musulmanos, indù, vegetarianos e persones cun allergias alimentares.
Sa tzertificatzione garantit chi totu sos ingredientes presentes in un’alimentu respetant cussos inditos e prescritziones alimentates. Pro s’ògiu, imbetzes garantit chi sas màchinas impreadas pro sa produtzione de produtos non kosher podent èssere impreadas pro sos produtos kosher petzi a pustis de èssere istadas sugetas samunadas cun abba cagente.
Sa tzertificatzione kosher est un’ùtile trastu de marketing pro sas aziendas chi aspirant de bèndere sos produtos pròpios a sa grandu distributzione. Difatis un’arta pertzentuale de sas cadenas de supermercados in sos Istados Unidos recheret chi sos fornidores tèngiant sa tzertificatzione kosher ca custu podent cugugiare totu su mercadu de sos consumadores.
Pro Giulia Mura de s’azienda Pelau, chi collòborat fintzas cun medas universidades, si tratat de unu reconnoschimentu importante pro ite aberit sas gennas a mercados noos e podet èssere fintzas una cosa chi podet atzocare turistas e bisitadores de àteras culturas e de àteros logos. Bastat a pendare chi in sos Istados Unidos ebbia bi sunt unos 500.000 consumadores de religione ebràica chi papant petzi alimentares kosher. Unpàteru millione de consumadores ebreos acuistat custos produtos in ocasiones particulares. Posca bi sunt sete milliones de vegetarianos, duos milliones e unu millione de indù chi sighint dietas particulares e consumant medas produtos tzertificados kosher.
“Attività realizzata col contributo della Regione Sardegna – IMPRENTAS 2022-2023. LR 22/2018, art. 22”
© RIPRODUZIONE RISERVATA
