Omitzìdiu de Oroteddi, arrestadu su nebode de sa vìtima

omitzidiu-de-oroteddi,-arrestadu-su-nebode-de-sa-vitima

Omitzìdiu de Oroteddi, arrestadu su nebode de sa vìtima

A càrrigu de s’òmine ddoe tenet indìtzios graes e provas importantes regortas dae su R.I.S. .

Corpu de iscena in is indagine pro sa morte de Esperino Giobbe, agatadu mortu in su mese de ladàmine in sa corte de s’azienda sua in Oroteddi, in localidade Su Filighe.

Is carabineris de sa Cumpangia de Otzana e de su Repartu Operativu de su Cumandu Provintziale de Nùgoro, in s’arbeschidòrgiu, ant arrestadu unu nebode de sa vìtima, suspetadu de èssere su responsàbile de sa morte de su tziu.

S’òmine fiat istadu mortu su 17 de mese de ladàmine coladu. Su corpus de sa vìtima fiat istadu iscobertu dae is parentes chi aiant mutidu deretu in deretura su 118, ma is sanitàrios no ant pòdidu fàghere nudda.

In su logu de s’omitzìdiu fiant lòmpidos is carabineris, su pm e su mèigu legale pro fàghere is rilievos e pro intèndere is persones presentes.

S’esàmene autòpticu e is atzertamentos aiant craridu chi sa morte de s’allevadore no esseret dèvida a càusas naturales o atzidentales, ma chi s’òmine fiat istadu mortu a corpos.

Custa dinàmica fiat istada cunfirmada fintzas de is tècnicos de su R.I.S. Carabineris de Roma, incarrigados de esecutare s’esàmene de is logos mediante sa “B.P.A.” (s’anàlisi de is rastros emàticos).

Is incuirentes ant indagadu in deretura tra is parentes, in briga pro su possessu de is terrinos. In unas cantas percuisitziones fiant istados secuestrados is bestires impreados dae is familiares de s’òmine mortu e sutapostos a sa tècnica “luminol” – una proa genèrica pro su rilevamentu de su sàmbene -. Dae custas particulares metodologias fiat istada cumproada sa presèntzia de su sàmbene de sa vìtima in una bota de su nebode de 40 annos.

Segundu sos incuirentes, custas matzas diant èssere giustificàbiles petzi cun sa partetzipatzione de su giòvanu a su delitu, motivadu dae is birgas pro sa sa gestione de is terrinos de Su Filighe.

S’arrestadu como s’agatat a su càrtzere de Badu ‘e Carros, in isetu de s’ interrogu de garantzia dae banda de su G.I.P.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”



Contu a s’imbesse pro su cumintzu de s’Europeu.