Su “Caminu de Santu Jacu” est su de sete sos Caminos in Sardigna, chi interessant 300 Comunos pro unos 3.200 chilòmetros de percursu. Chimbantaduos Comunos ant sigladu s’acòrdiu pro sa creatzione de custu percursu nou, chi s’isvilupat a traessu totu
Su “Caminu de Santu Jacu” est su de sete sos Caminos in Sardigna, chi interessant 300 Comunos pro unos 3.200 chilòmetros de percursu. Chimbantaduos Comunos ant sigladu s’acòrdiu pro sa creatzione de custu percursu nou, chi s’isvilupat a traessu totu sa Sardigna e chi rapresentat una proposta istratègica importante e istruturada pro sa valorizatzione de su patrimòniu identitàriu, istòricu e culturale de s’Ìsula. Su percursu, chi si presentat comente un’esperièntzia ispirituale, istòrica, culturale, ambientale e religiosa, est istadu ativadu e gestidu dae s’Assessoradu regionale de su Turismu, dae sa Cunferèntzia episcopale sarda e de sos comunos interessados, cun Mandas comente capofila.
Sa punna est su de promòvere su turismu lentu e ispirituale, interessende sos territòrios e sos amministradores issoro, e de cumpletare s’oferta turìstica de s’Ìsula. Su protocollu firmadu cun sa Cunferèntzia episcopale sarda e sos cursos de formatzione pro ghias turìsticas religiosas rapresentant petzi unas cantas atziones postas in atu pro dimustrare s’importu istratègicu de custu tretu turìsticu, chi rispondet a una dimanda natzionale e internatzionale manna.
Pro sa promotzione de su percursu, sa Sardigna at a partetzipare a sa fiera ‘Fai la cosa giusta’ in Milanu, in ue at a propònnere percursos ammajadores e esclusivos in su coro de s’Ìsula. In prus, at a bènnere annuntziada sa segunda editzione de ‘Noi camminiamo in Sardigna’, in programa dae su 3 a su 8 santugaine 2023.
S’Assessore de su Turismu at sutaliniadu s’importu de sos Caminos, de sos Logos de pellegrinàgiu e de sos Itineràrios ispirituales pro sa promotzione de s’internu de s’Ìsula, chi, paris cun sa proposta istadiale de su mare, podent contivigiare su bisu de un’Ìsula chi cheret bìvere de turismu totu s’annu. Su “Caminu de Santu Jacu” rapresentat un’importante ocasione pro sa Sardigna de avalorare su patrimòniu culturale suo e ambientale, oferende a sos visitadores un’esperièntzia ùnica e indimenticàbile a s’iscoberta de sa bellesa e de s’istòria de s’Ìsula.
“Attività realizzata col contributo della Regione Sardegna – IMPRENTAS 2022-2023. LR 22/2018, art. 22”
© RIPRODUZIONE RISERVATA
Destinatzione Turìstica Ogliastra: sinergias intre Sìndigos e GAL pro crèschere s’ferta turìstica.
Su GAL Ogliastra at aviadu unu progetu ambitziosu pro s’isvilupu turìsticu de sa regione, mutidu “Ogliastra Comunità Accogliente e Sostenibile”.
Su GAL Ogliastra at aviadu unu progetu ambitziosu pro s’isvilupu turìsticu de sa regione, mutidu “Ogliastra Comunità Accogliente e Sostenibile”.
Sa prima die de addòbios temàticos cun sos amministradores de sos comunos e sos presidentes de sas uniones at esaminadu diversas temàticas, comente sa generatzione de sas cunditziones pro un’ospitalidade de calidade, sa connessione de s’oferta balneària a sas esperièntzias in s’internu de s’ìsula, sa creatzione de una rete intre oferta turìstica e produtziones tìpicas locales e s’orientamentu de sos operadores a resonare comente sistema. S’obietivu est su de detzìdere chi Destinatzione turìstica s’Ogliastra cheret devènnere e traballare subra de s’isvilupu turìsticu.
Su GAL cheret realizare su progetu de su Pranu de Isvilupu Turìsticu e de su turismu in totu sas istajones e acumprire unu passu detzisivu cara a s’istrategia de sa sostenibilidade e su governu de sa Destinatzione Ogliastra. S’invitu est de partetzipare a sas mesas de cunfrontu chi su GAL at aviadu, comente cuddos dedicados a sas ghias ambientales e turìsticas, a sos responsàbiles de sas impresas turìsticas e a sos titulares de sas produtziones tìpicas locales.
S’invitu chi su GAL faghet est de partetzipare a sas mesas de cras e mèrcuris.
- 21 martzu – Ghias ambientales e turìsticas – h 10.00 – Àula Andrea Lussu – Pratza Repùblica – Lotzorai
- 21 martzu – Responsàbiles de sas impresas turìsticas – 15.30 – Àula Andrea Lussu – Pratza Repùblica – Lotzorai
- 22 martzu – Titulares de sas produtziones tìpicas locales – 10.00 – Sala Consiliare – Bia de Casteddu – Barì
Su Pranu de Isvilupu turìsticu de sa destinatzione Ogliastra est finantziadu pro mèdiu de unu bandu regionale chi cunsentit de arribbare fintzas a sos comunos chi no apartenent a su GAL. Sa diretora de su GAL, Franca Seoni, afirmat chi sa creatzione de unu governu e de unu sistema de gestione de sa Destinatzione Ogliastra chi pòngiat a pare sos atores chi s’òcupant de su setore turìsticu est fundamentale pro pro cròmpere a custu obietivu de allonghiare s’istajone turìstica e fàghere connòschere a prus bisitadores possìbiles sas realidades econòmicas, imprenditoriale e turìsticas de su logu.
“Attività realizzata col contributo della Regione Sardegna – IMPRENTAS 2022-2023. LR 22/2018, art. 22”
© RIPRODUZIONE RISERVATA
